monumenta.ch > Plinius > sectio 96
Word Selection for Searching
Report an Error in this Sectio Magnify Greek
Plinius, Naturalis Historia, 24, 96
{LVIII} Tinguentibus et radicula lanas praeparat, quam struthion a Graecis vocari diximus. medetur morbo regio et ipsa et decoctum eius potu, item pectoris vitiis. urinam ciet, alvum solvit. et vulvas purgat, quam ob rem aureum πεσσὸν medici vocant ex ea. e melle prodest magnifice et tussi, orthopnoeae coclearis mensura, cum polenta vero et aceto lepras tollit.